Vienna–Un rinosero na e parke di bestia Salzburg na Austria a mata un empleado di e parke E muhé di 33 aña a muri ora ku e animal a trap’e na momentuku e tabata duna e animal tratamentu kontra insekto. Su kolega, kende por sierto ta tambe su esposo, a resultá herida na su pia ora el a purba di yuda. No ta konosí dikon e animal a ataká nan.
Tratamentu ku replente ta un rutina diario pa e kuater rinoseronan di e parke. Segun e direktor di e parke, te awor semper e animalnan a komportá bon ku e kuidadónan. E rinosero envolví ta muhé i yama Yeti. E ta pisa 1800 kilo. Kiko lo pasa ku e bestia di 30 aña, no ta konosí. Sobra di dia e parke a keda será pa públiko.
