Mário Scandiuzzi
Ta posibel ku nos ta masha bon kon ta manehá Beibel, pesei Aleteia ta presentá un bon método pa fasilitá ta agradabel e tarea akí Sèptèmber ta e luna di Beibel pasobra riba dia 30 di luna aki ta selebrá e fiesta di san Jerónimo, e gran traduktor di Beibel na latin, e teksto konosí komo e Vulgata. Algun katóliko ta probechá e dianan aki pa Beibel mas -di manera personal òf den komunidat- òf pa partisipá den tayernan bíbliko, i inkluso hasi un retiro di estudio di Sagrada Skritura. Beibel ta un konhunto di bukinan skirbí pa diferente persona den diferente époka. Den dje nos ta haña e bèrdatnan di e fe i di den su páginanan ku nos ta siña riba e amor di Dios i kon praktiká e enseñansanan akí den nos bida. Un método mashá konosí òf ku por duna hopi fruta bo ta haña den e buki di Monseñor Jonas Abib, Beibel den mi dia pa dia. Lesa e konosé e Palabra di Dios E obra ta manera un mapa ku ta guia nos den e lektura i konosementu di e Palabra di Dios. En resúmen, e outor orientá nos di e siguiente manera: · Lesa Beibel tur dia – i esaki ta nifiká ku pa siña kosnan di Dios no tin fin di siman ni feriado. Mester Beibel tur diariamente. · Ten un orario fiho – nos sa ku tin biaha nos rutina ta kambia, pero en general, ta trata di mantené un tempu fiho pa e lektura akí. ·
Marka e tempu – determiná durashon di bo estudio i kumpli ku bo propósito. Sea realista i serio riba e kompromiso. Si bo elegí 10 minüt, pega bo mes na akinan. ·
Eligí un lugá – duna preferensia na un lugá trankil, unda bo por konsentrá su mes i dediká su mes na estudio di e Palabra di Dios. ·
Usa pòtlot, pèn, markadó – i marka e pasashinan ku mas ta yama bo e atenshon.
Krea un ambiente di orashon – e ta un tempu di skucha di loke ku Dios mester bisa nos, e ta un berdadero enkuentro ku e outor di bida. Diario spiritual I pa un mihó komprenshon, Jonas Abib ta siña nos usa un diario spiritual. Si ta posibel, utilisá un cuaderno (un blachi pa kada dia) i anotá lo siguiente:
1.E promesanan di Dios – esaki ku loke Dios lo kumpli pa esnan pa esnan ku ta fiel na Su Palabra (ehemplo: “Pasobra kaminda dos òf tres reuní den mi nòmber, Ami lo ta huntu ku nan” – Mt 18, 20).
2. Mandatonan di Dios – ta e mensahenan ku ta indiká nos na unda nos ta bai (ehemplo: “Pasa rònt mundu i prediká e bon notisia na henter humanidat” – Mk 16, 15).
3.Prinsipio Eterno – ta e prinsipionan ku ta mustra kon e Reino di Dios ta funshoná e (ehemplo: “Pasobra tur hende ku alsa su mes, lo keda humiliá, ma esun ku humiliá su mes, lo keda alsá Lk 18, 14).
4.Mensahe di Dios pa ami awe – despues di a lesa, skirbi loke Dios kubisa bo den e pasashi akí.
5.Kon mi ke apliká esaki den mi bida? Despues di meditá den e teksto, ta ora pa komprendé kon por praktiká e Palabra di Dios, kon e ta inspirá bo pa aktua diario. Un guia pa lesa Beibel I pa hasi e lektura, kuminsando dor di Tèstamènt Nobo, monseñor Jonas Abib ta indiká e siguiente guion:
1.Promé Karta de San Huan (dos biaha)
2.Evangelio di San Huan
3.Evangelio die San Mako
4.Kartanan Menor di San Pablo: Galatanan, Efesionan, Filipensenan, Kolosensenan, Promé i di dos Tesalonisensanan, Promé i di dos Timoteo, Tito i Filemón
5.Evangelio di San Lucas
6.Echonan di Apóstolnan
7.Karta na Romanonan
8.Evangelio di San Mateo
9.Promé i di dos Karta na Korintionan
10. Karta na Hebreonan
11. Karta di Hakobo
12. Promé i di dos Karta di San Pedro
13. Di Dos i di Tres Karta di San Huan
14. Karta di San Hudas
15. Apokalípsis
16. Promé Karta di San Huan (3ª biaha)
17. Evangelio di San Huan (2ª biaha) Studia e Sagrada Skritura ta skucha loke Dios tin ku bisa nos. E ta e Palabra Bibu ku E ta siña nos i ta mustra nos e salbashon. E ora ei, ku fe i speransa, kuminsá na lesa i perseverá. E ora ei bo ta sigur ku bo lo haña un berdadero tesoro ku ta transformá bo bida.
