KRALENDIJK — Djadumingu 17 di desèmber, School of Performing Arts Bonaire tabata tin nan show anual di Pasku titulá “Christmas Experience 2nd edition” ku a tuma lugá na Jong Bonaire. E show parti mainta, a presentá e alumnonan di entre 2 pa 7 aña i e show parti atardi tabata tin presentashon di e alumnonan di edat mas grandi di entre 8 pa 18 aña.
E shownan tabatin diferente presentashon di baile, kantamentu, i aktuashon, kaminda e alumnonan hóben aki por a mustra ku hopi ánimo tur loke nan a siña den e delaster semèster di lès na S.P.A.B. dilanti di un públiko grandi.
Tim S.P.A.B. ta orguyoso di tur alumno pa nan disiplina i dedikashon pa a duna un tremendo i bunita show di Pasku.
Un danki speshal ta bai pa Gobièrnu di Boneiru, Budget, Black Ice, Warehouse Bonaire Supermarket, Omira’s Kitchen, Firgos, Canela’s Events & Catering, Desiree Vrolijk-Sint Jago, Dinora Barrios i Gabriela Winklaar pa por a hasi e evento aki posibel. Tambe nan a yama GPS danki pa nan kontribushon generoso i bon servisio durante ámbos show.
