KRALENDIJK — Entidat Públiko Boneiru ta bai ehekutá mantenshon na vegetashon i kayanan den espasio públiko. E periodo ku e trabounan di mantenshon ta tuma lugá ta entre mart pa ougùstùs. Lo proveé informashon regularmente relashoná ku e áreanan di trabou.
E mantenshon na vegetashon ta enserá un aserkamentu organisá pa loke ta trata snuimentu di vegetashon eksistente. Ademas ta trata na yega na un sistema di mantenshon struktural pa asina por garantisá siguridat, influensiá e kalidat di bida positivamente i ta kontribuí na nos naturalesa.
Ademas, ta bai hasi mantenshon na kamindanan di tera den barionan. Habitantenan por eksperensiá rutanan alternativo temporal, seramentu di kaya i kisas molèster di stòf òf zonido. Ta trata máksimo posibel pa limitá e molèster.
Mas aleu ta bai hasi mantenshon di e kamindanan di asfalt pa medio di yena buraku. A tene kuenta ku e impakto di e trabounan akí riba tráfiko i ta ehekutá e mantenshon na momentunan stratégiko. Sinembargo, ainda esaki por trese inkombeniensia kuné.
Entidat Públiko Boneiru ta hasi un apelashon pa tene kuenta ku e trabounan i posibel molèster ku esaki por trese kuné. Pa kualke pregunta relashoná ku e trabounan akí, por tuma kontakto via civielewerken@bonairegov.com.
