KRALENDIJK– Pastor Marc di parokia di La Birgen di Coromoto ta partisipá enkonekshon ku preparashon pa fiesta Patronal tin un triduo ku ta kuminsá awe djaweps 5, djabièrnè 6 i djasabra 7 sèptèmber ku orashon na honor di La Birgen Maria di Coromoto i tambe ta resa rosario pa despues sigui ku e selebrashon eukaristia. Tur esaki ta kuminsá pa 7’or anochi riba e dianan menshoná.
Djasabra 7 sèptèmber tin misa pa 6’or atardi na ingles.
Djadumingu 8 sèptèmber fiesta Patronal tin misa SOLEM pa 10’or mainta. Esaki ta e úniko misa pa e dia aki.
Pa dia di Boneiru pastor ta pidi pa den nos orashon resa pa bienestar di un i tur ku ta biba na Boneiru, pa nos tur por forma Boneiru su komunidat ku un identidat spiritual fuerte. Pabien Boneiru
