KRALENDIJK – Un kaha di morto hañá den sushi na Morotin, pa nort di Rincon, a hala atenshon riba media sosial den wikènt pasá. Un deskubrimentu un tiki makaber.
BONERIANO a komprondé ku e kaha di morto usá aki ta bini for di santana katóliko di Rincon. Famianan lo a saka restu di nan defuntu i a deshasí di e kaha di morto na e sitio di depositá sushi na Morotin.
Normalmente ku saka restu di un defuntu ta pone esakinan den un kaha mas chikitu i ta warda esakinan bou di e kèlder. Mas resien a bira ta pone restunan den un saku i ta hisa esaki huntu ku un morto nobo den mesun boka di kèlder.
Por komprondé ku sa tin palabrashon ku Selibon pa mesora despues kue e baha bieu hiba Landfill. Otro hende sa kima e kaha nan mes.
No ta konosí na BONERIANO kiko a bai robes den e kaso aki.
