KRALENDIJK — The Cadushy Distillery ta kontentu pa anunsiá su di shete donashon komo parti di su 15 aniversario. E donashon di 1.500 dòler ta pa Fundashon Formashon Musikal Krioyo, un grupo dediká di músikonan hóben ku ta preservá i interpretá ku pashon e muzik di tradishon Boneriano.
Fundashon Formashon Musikal Krioyo ta dediká pa selebrá i preservá e riku herensia musikal di Boneiru. E presentashonnan vibrante di e grupo ta duna bida na muzik tradishonal Boneriano, loke ta fomentá orguyo kultural i konekshon den e hubentut.
Nan a mustra nan talento na e selebrashon di Dia di Boneiru na Den Haag, representando e úniko identidat kultural di Boneiru riba un podio internashonal.
Eric Gietman, CEO di The Cadushy Distillery, a bisa: “Nos ta masha orguyoso pa sostené Fundashon Formashon Musikal Krioyo i nan trabou importante den preservashon di tradishon musikal di Boneiru. Na The Cadushy Distillery, nos kere den e poder di herensia kultural i e importansia di sostené inisiativanan ku ta empoderá nos hubentut. E donashon akí ta un manera pa nos kontribuí na e preservashon di nos legado kultural i pa yuda e hóben musikantnan talentoso miéntras nan ta representá Boneiru afó.”
E donashon di The Cadushy Distillery ta yuda Fundashon Formashon Musikal Krioyo pa kubrí gastunan relashoná ku nan presentashon na Dia di Boneiru na Den Haag. Ku e sosten aki, e grupo lo por mustra e músika Boneriano na un públiko mas amplio, promové interkambio kultural i lanta visibilidat di e herensia artístiko di Boneiru riba un plataforma internashonal.
Pa selebrá su 15 aña aniversario, The Cadushy Distillery ta komprometé pa sigui sostené inisiativanan lokal i proyektonan kultural. Ta invitá tur hende pa uní ku den sostené e esfuersonan remarkabel di Fundashon Formashon Musikal Krioyo i pa siña mas tokante di nan kontribushon den e aria kultural di Boneiru.
