KRALENDIJK — Durante un seremonia militar djaluna 4 di novèmber den oranan di mainta, ‘Compagnie in de West’ rotashon 46 a entregá su tareanan na e siguiente unidat, rotashon 47.
E Komandante nobo Mayor Jan, di e batayon di infanteria 13 prosedente di Assen, a tuma lugá over, di su antesesor Kapitan Jeffrey, durante un traspaso tradishonal di rema.
Kapitan Jeffrey ta mira bèk riba un periodo intensivo i bunita. “Nos tabatin un tempu masha útil durante kua nos a siña hopi, tantu na Kòrsou, komo Boneiru i Aruba. Ademas di nos ehersisionan, na tur momentu nos tabata para kla pa keda desplegá. Asina nos tabata pará kla pa duna yudansa na e habitantenan di Kòrsou, durante inundashonnan, nos a sostené na Boneiru den kaso di obranan di organisashonnan benéfiko i den nos elemento EODD diferente biá nos keda desplegá pa deshasí di eksplosivonan i duna treinen na sosionan lokal.
Banda di esei, Kapitan Jeffrey a bisa a invertí kontinuamente den e posibilidat pa keda desplegá, pa medio di organisá entrenamentunan desafiante na momentu di situashonnan klimatológiko pisá. Den esaki vários biá a kolaborá huntu ku militarnan di Kòrsou, algu ku ta wak bèk riba dje ku hopi positivismo. Durante e periodo riba e isla, nos a sinti nos semper bon biní riba e pida spesial akí di nos Reino i ku muchu gustu nos lo ke bolbe bèk aki.
Mayor Jan ta antisipá pa trein durante e kuater lunanan benidero ku unidat Delta DJOKJA i pa traha den region Karibe. “E batayon Delta ta un unidat di armanan pisá di barètnan kòrá ku ta spesialisá den rendimentu ku vehíkulo. Ta di promé biá ku un unidat di nos kaliber ta permití di ehersé e tareanan den Region Karibe i esei ta hopi spesial.
Na promé lugá pa motibu ku huntu ku esaki nos ta trese kapasidatnan úniko ku por ta di gran balor, si nos yudansa òf asistensia keda pidí den region, segun Mayor Jan.
“Na di dos lugá pa nos e ta un chèns úniko pa por trein, ku nos vehíkulonan di infanteria, den e klima tropikal di e region Karibe. P’esei mi ta ferwagt ku nos por antisipá un periodo ekstremadamente interesante i mi ta spera ku huntu ku nos sosionan lokal nos lo por hasi di esaki un tempu bunita i signifikativo,” Mayor Jan a bisa.
‘Compagnie in de West’ (CidW) ta un unidat permanente di Forsanan Arma Real ku bou di mando di CZMCARIB, por keda desplegá pa un variedat di tarea. E kuater lunanan benidero e batayon ta trein tantu na Aruba, Boneiru komo Kòrsou.
