KRALENDIJK- Direktiva di Birgen Maria ta invitá mayornan ku tin yu(nan) di ku ta bai hasi 4 aña entrante promé di mei i ku tin ku drenta skol básiko e aña eskolar benidero ougùstùs 2025/2026, pa inskribí nan yu(nan) pa un di e 4 skolnan katóliko ku ta kai bou di Birgen Maria Onderwijs (RK- schoolbestuur).
IKC San Luis Bertran; Skol Amplio Papa Comes; Kolegio San Bernardo; Kristu Bon Wardador.
Pa hasi esaki mayornan por subi e wèpsait: aanmeldenbasisonderwijsbonaire,com”.
Esaki ta un sait ku direktivanan di skolnan primario na Bonaire a traha huntu. Via e sait aki fásil por inskribí bo yu ku ta bai hasi 4 aña i ku mester kuminsá edukashon primario na e skol di bo eskoho.
Segun lei ta obligatorio pa inskribí tur mucha ku ta bai hasi 4 aña pa edukashon primario.
Ki ora tin ku inskribí e u?
E wèpsait no ta prosesá inskripshon di un yu ku a nase promé ku 1 mei 2021 ni ku a nase despues di promé di aprel 2022. Mayornan ku inskribí nan yu muchu lat mester tene na kuenta ku tin chèns ku no tin lugá pa e yu na e skol di nan preferensia.
Ria e wèpsait mayornan tin ku yena e “formulario di registrashon” pa inskribí e yu pa edukashon primario.
Por fabor yena e formulario di registrashon mas kompletu posibel. Mayornan tin ku indiká tambe ta kua skol ta nan skol di preferensia pa nan yu.
Skolnan tin un kantidat di lugá disponibel, p’esei nos ta pidi pa yena tur tres opshon: opshon 1, opshon 2 i opshon 3. No por garantisá ku lo tin lugá pa bo yu na e skol ku mayornan a kis. Pues tin chèns ku e yu ta bai e skol ku mayornan a yena na opshon 2.
Tene kuenta ku si bo yena e mesun skol na promé, segundo i terser opshon, tin chèns ku bo yu no ta haña lugá na e skol ei i ku e ta bai un skol ku mayornan no a kis mes, ya ku ta nòmber di un skol so mayornan a yena.
Un súplika ta bai pa pone hopi atenshon pa skirbi e yu na tempu ya mayornan ta haña e skol di nan eskoho. Asina aki ta evitá mayornan mal kontentu. Nos deseo ta pa mayornan haña un kupo pa nan yu na un skol katóliko.
