KRALENDIJK — Tres Instruktor di Kòrsou i un di Aruba a risibí nan klavia di sertifikashon ‘Het Uiltje’ i awor por kuminsá instruí militarnan rekrutá pa bira militar di Karibe. Entre otro nan ta instruí materianan manera outo-yudansa na kamarada (Zelf Hulp Kameraden Hulp (ZHKH), konosementu di lei, mapa i kompas, ademas di tiramentu. Banda di esei tambe nan por proporshoná formashon adishonal na sòldánan profeshonal.
Ku e otorgashon aki ta enfatisá e importansia di por tin instruktornan bon formá. Nan tin un gran papel den treinen i guia di militarnan. Nan invershon ta di gran balor pa tantu Region di Karibe komo Hulanda.
E kolaborashon entre militarnan di Karibe i Hulanda ta reforsá siguridat regional i ta aportá na un kolaborashon efikas den futuro.
Banda di esei e shete instruktornan, entre otro e kuaternan aki, a risibí e sertifikado ‘ECOD Assessor’, ku kua ofisialmente nan tin outoridat pa evaluá sòldá. E rekonosementunan aki ta enfatisá e labor importante di e instruktornan den formashon di militarnan nobo pa Marina Real.
