KRALENDIJK – “Mi a sambuyá algun sitio bunita estelar atraves di vários Isla di Karibe, St. Maarten, Dominica, St. Lucia i Kòrsou, pa menshoná algun. Pero for di tur mi eksperensianan, un destinashon a subi na e punta di mi buki, e isla di Karibe Hulandes Boneiru,” sambuyadó Erik Trinidad ta komentá den un publikashon di Travel+Leisure. Ku 24 mia largu i shete mia hanchu, Boneiru ta chikí. Pero e ta kas di un ref grandi, un tipo di ref ku ta krese direktamente riba e liña di kosta di un isla ku ta sostené un ekosistema marino saludabel i próspero i 87 sitio di buseo. Parke Marino Nashonal di Boneiru, establesé na 1979, ta protehá e awanan rònt di dje i ta un di e reservanan marino di mas bieu na mundu. E ta un destinashon ku hopi buseadó mester bishitá. Na Boneiru su parti wèst di bientu, kondishonnan di bientu i awa mas trankil ta ofresé kondishonnan di buseo mas faborabel. Tin un seri di mas ku 60 sitio di buseo konsekutivo na e kosta wèst di e isla prinsipal, mas dos dozein di sitio mas rònt di e isla mas smal i inhabitá di Klein Bonaire. Di e manera ei, mayoria di buseo ta aksesibel for di kosta. Echo ta, tiendanan di buseo hopi biá ta usa pikòp, no boto, pa yega serka nan. Hopi sitio ta simplemente marká pa piedranan hel situá djis banda di e liña di kosta. Un di e sitionan mas konosí na Boneiru ta e wag di Cargill, ku ta usá aktivamente dor di e isla su industria di salu di laman. E pilarnan di e pir masivo a forma refnan vertikal artifisial bou di awa i buseo akí kasi ta sinti manera drenta un mundu di siensia fikshon, ku formashonnan di palu manera aliento i kresementu di koral ta floresé for di e sostenedónan. “Mi a mira un variedat grandi di kriatura bou di e waf. Pa buseo anochi, bai Something Special, konosí pa su fondo di santu i abundansia di piská, danki na su serkania na e marina den serkania, e ta alkansabel ku outo.” Un otro sitio popular, Bon Biní na Kas, ta kas di piská kolorido ku ta landa meimei di kolonianan di koral di staghorn i spòns di stovepipe di lavanda. Tambe tin e famoso sitio di buseo di noufragio di e Hilma Hooker masivo di 236 pia largu, un barku di karga ku tabatin droga abordo ku anterior a senk na 1984 pa forma un ref artifisial multinivel. No ta importá ki tipo di eksperensia di buseo bo ta spera di tin, Boneiru tin opshonnan de sobra. E ta bale la pena pa hasi vários bishita, asta despues ku bo a krus’é for di bo lista di kosnan ku bo mester sambuyá den Karibe.
