Hopi hende kisas ta puntra na unda e burikunan ku ta drenta barionan anochi, buskando kuminda, ta permanesé den dia. Nan tin vários lugá pa pasa durante dia. Asina nan ta buska sombra di palunan na rant di barionan pa skonde pa solo. Anochi nan ta drenta bario. Un fotógrafo di Extra a topa ayera mainta ku nèt 30 buriku den i riba e bordo di un dam riba tereno di anterior plantashi Aruba.
