Jossy Rosales a fayesé na Kòrsou. Ku su morto Kòrsou a pèrdè un persona markante. Hopi hende ta kòrd’é ainda ta move den su outo grandi òf kana den áreanan di Punda, spesialmente Skalo, ku su trahenan di ún koló, mayoria bes blanku òf pretu.
E tabatin un kashi yen dje trahenan aki i tambe diferente sombré. E tabatin algun tempu kaba malu. Pedro José Rosales a nase na Kòrsou dia 13 di mei 1937. Su tata tabata di Venezuela, su mama di Kòrsou.
Pero Jossy semper sa bisa ku e tin sanger di diferente lugá den su kurpa. Entre otro tambe di Aruba (Kemp). Un di su yunan, Jossy, ta hefe di KPCN. E dianan benidero por mir’é den programashon di Bonaire.tv, tambe na Telecuraçao. Na tres okashon e tabata den Herensia.
