Toyan a pone rèspèt

KRALENDIJK –

Riba invitashon di famia Sommer di Kòrsou, Elmer ‘Toyan’ Frans, huntu ku su Tim Batista, a duna demostrashon kon ta mata kabritu pa despues yòrkia i traha salon. E demostrashon di Frans a haña hopi atenshon kaminda esnan presente na final a bisa rèspèt pa e trabou loke nunka anterior nan a presensiá. Famia Sommer ku ta biba na kaminda di Ban Bou, a invitá famia, amigu i konosí, pa asina partisipá na e demostrashon di Toyan. For di algun tempu kaba e famia tabata interesá den e demostrashon i a yega e dia ku Tim Batista a nabegá ku e boto Aleluya di Michel Offerman pa Kòrsou. E tim e biaha djabièrnè mainta tempran. Despues di a kaba atendé e asuntunan di Imigrashon i Duana, e tim a akudí na kas di famia Sommer pa asina informá nan ku djasabra mainta nan ta presente.

Tempran e tim a bai kas di famia Sommer pa asina kuminsá ku e demostrashon. Primeramente Toyan a duna demostrashon di mata kabritu. El a mata na tur dos kabritu i un karné. Despues di a kaba Toyan a kuminsá ku e demostrashon di yòrki ai traha salon. Extra a puntra Toyan kiko ta e diferensia entre yòrki i salon. El a splika yòrki ta ora yòrkia un bestia mitar banda miéntras salon ta e bestia kompleto. For di kuminsamentu di e demostrashon e grupo presente a sigui henter e proseso pa e produkto final, esta yòrki i salon. Na final e kabes di famia Sommer a laga sa ku su 77 aña nunka el a mira un demostrashon asina, danki Dios e no a muri promé i tin rèspèt pa e trabou. Tim Basista ta konsistí di Soen Beaumondt, Toyan Frans, Farley i Michel Offerman.

SHARE


LEAVE A REPLY

Please enter your comment!
Please enter your name here