Djadumingu 14 di òktober parokianonan a selebrá 160 aña di eksistensia di Misa San Luis Beltran ku un bunita Santu Sakrifisio di Misa kaminda Pastor Ivan a menshoná diferente persona nan partisipashon pa ku misa den nan trabou. Tambe pastor a yama pabien na Papito Anthony pa su 100 aña i yùfrou Mona Pourier ku ta fiel parokiano ku ta bai misa. Despues di misa tabata tin bríndis i Grupo Típiko Klásiko a dediká músika na e públiko.
