Grupo di mucha a risibí sertifikado di landamentu

KRALENDIJK –

Resientemente un grupo di mucha relativamente chikitu, esta poko edat, a risibí un sertifikado pa landamentu. E práktika kon pa siña landa tabata den man di Charlton Crestiaan, yu di e konosido Eddy Crestiaan. Algun tempu pasá nan a menshoná ku ta importante pa muchanan di Boneiru por siña landa for di edat hopi yòn, esaki mirando ku nos ta biba rondoná pa laman.

Ta fásil pa un persona yega un bich i drenta laman refreská su kurpa. Ta un kustumber ku nos ta bai laman den grupo di famia i gosa. Ta importante pa e mucha por landa, asina e por tene su mes riba awa i evitá ku e ta guli awa, ku tur e konsekuensia. Crestiaan a konta ku e mucha for di edat di 4 aña por siña lanta i e ta risibí un sertifikado, loke ta stimul’é pa sigui praktiká pa pasa diploma dia e bira poko mas hóben.

Den pasado Eddy tabata duna lès na e muchanan i awendia poko poko e ta laga esaki na enkargo di su yu Charlton. Eddy a konta ku el a siña diferente generashon landa i awor el a kuminsá alehá for di dunamentu di lès. E generashon di awor ta mas aktivo i inteligente i ta rekerí mas atenshon pa nan komportashon. Bo mester drenta e mucha su ambiente i asina den un forma di wega bo ta gui’é pa e siña loke e ta bin pa hasi.

Despues ku e muchanan a hasi algun práktika e atardi, a hasi entrega di sertifikado na nan. E nòmber di e muchanan ta Qshandrick Thielman, Jurviënne Martis, Julie Janga, Nardjul Janga, Howard Frans, Nohemi Frans i Rodriquez.

SHARE


LEAVE A REPLY

Please enter your comment!
Please enter your name here