STINAPA ta introdusí e-TAG

E último lunanan STINAPA den koperashon ku ReefSupport, a traha riba un sistema online pa paga e rekargonan di naturalesa. A hasi hopi esfuerso pa bin ku un sistema di pago online pa kompra di e plachinan.

E sistema online akí ta hasi kompra di e plachi mas simpel, ta hasi e proseso atministrativo mas kòrtiku pa e rebendedónan i pa e tim finansiero di STINAPA. Tambe pa e rangernan e proseso di patruyá i kontrolá e plachinan ta bira mas rápido i mas fásil. Ofisialmente e wèpsait a bira aktivo djárason 12 di yüni.

STINAPA su mini ranger honorario, Jayvin Paula, tabatin e honor pa primi e kònòpi ku a hasi e wèpsait aktivo i Delno Tromp, presidente di hunta di komisario di STINAPA i alabes direktor interino di TCB, a hasi kompra di e promé e-tag.

SHARE


LEAVE A REPLY

Please enter your comment!
Please enter your name here