KRALENDIJK – Toyan Frans, konosido matadó di bestia na matadero di Boneiru, a nòkout Tyson, un toro di kunukero Chon Amelia. Tyson ta un toro di 5 aña bieu ku Chon tabatin na su kunuku na Tra’i Montaña. Loke ta hasi e kaso di Tyson interesante ta ku e ta un animal desendiente di e bakanan ku tabatin ántes den plantashi Bolivia. Na diferente plantashi tabata kria baha ántes. Entre otro Bakuna, Washington, Bolivia i kunukunan di Ciriaco i Chèfi de Palm. Último añanan sin embargo krionan di baha a bira hopi ménos na Boneiru. Un dje tiki personanan ku ainda ta kria baka na Chon Amelia. Chon a dediká su mes pa kria e rasa di bakanan ku tabatin ántes den Bolivia. Ta bakanan hopi grandi, tin biaha ku toronan brabu. Tyson ta desendiente di bakanan di Bolivia. Djabièrnè a hiba Tyson matadero, na unda e konosido matadó di baka Toyan Frans a mat’é. Esaki bou di bista di diferente ekspektador. Un di nan a opservá ku Toyan a nòkout Tyson. Toyan a konta Extra ku el a siña mata serka su tata Buchi i serka Johnny Mathew, konosido matadó di baka prosedente di e isla Anguilla.
