ORANJESTAD (EUX) – Mas di 20 enfermera asistente di Statia, a kuminsá e programa di treinen nivel dos luna pasá komo parti di plannan di Gobièrnu pa empoderá e siguiente generashon di profeshonalnan di kuido. E 15 studiantenan di abla Spañó i shete di abla Ingles, ta sigui un programa di 15 siman pa generá e konosementu rekerí, abilidatnan i balornan nesesario pa fungi riba e tereno dinámiko di kuido di salú. E skol di enfermeria di Kòrsou, IFE, ta kondusí e kurso. “Komo ku e paisahe di kuido di salú a kontinuá ta enbolbí, e demanda pa enfermeranan pashoná ta mas grandi ku nunka.
E direktorado di asuntunan sosial ta rekonosé e nesesidat i su kompromiso ta pa desaroyá un tim di enfermera profeshonal pa sigurá kalidat haltu di kuido di pashènt na Statia,” Carol Jack, Direktor di Asuntunan Sosial, un di e partnernan kolaborativo pa hasi e treinen posibel, a bisa. E otro partnernan ta IFE, New Challenges Foundation i Unlimited Healthcare and Wellbeing Dutch Caribbean Foundation. E programa ta komishoná dor di Gobièrnu di Statia i supsidiá pa e ministerio di asuntunan sosial i empleado.
Di akuerdo ku e direktorado di asuntunan sosial, e treinen ta un ehersisio pa mantené ku su pashon i vishon, meskos tambe komo su plannan di strategia pa promové partisipashon komunitario i inklushon den e merkado laboral, kombatí pobresa, empoderá hende muhé i promové edukashon di bida largu. E proyekto ta e kontinuashon di esfuersonan dor di Gobièrnu pa estrechá e kapasidat di rekurso humano di e isla, ku un grupo di residente di abla Spañó ku ya a kompletá e kurso na Ingles komo un segundo idioma, ofresé dor di New Challenges Foundation i supsidiá dor di e ministerio di edukashon.
